Акафист неупиваемая чаша икона божией матери значение в чем она помогает
Икона Божией Матери «Неупиваемая Чаша»
Празднование 5/18 мая
Избранное и дивное избавление нам даровася — Твой образ честный, Владычице Богородице, яко избавльшеся явлением его от недугов душевных и телесных, и скорбных обстояний, благодарственная хваления приносим Ти, Всемилостивая Заступнице.
Из акафиста Пресвятой Богородице
в честь иконы Ее «Неупиваемая Чаша»
Чудотворная икона Божией Матери «Неупиваемая Чаша»
Замечательный бытописатель русского благочестия Иван Сергеевич Шмелев так повествует о чудотворной иконе Божией Матери «Неупиваемая Чаша», что объявилась в 1878 году на серпуховской земле, во Владычном монастыре:
«…Тянутся по лесным дорогам к монастырю крестьянские подводы. И за сотни верст везут сюда измаявшиеся бабы своих близких — беснующихся, кричащих дикими голосами и порывающихся из-под веревок мужиков звериного образа. Помогает от пьяного недуга “Неупиваемая Чаша”. Смотрят потерявшие человеческий образ на неописуемый лик обезумевшими глазами, не понимая, что и кто Эта, светло взирающая с золотой чашей, радостная и влекущая за Cобой, и затихают. А когда несут Ее тихие девушки, в белых платочках, следуя за “престольной”, и поют радостными голосами, — падают под Нее на грязную землю тысячи изболевшихся душою, ищущих радостного утешения. Невидящие воспаленные глаза дико взирают на светлый лик и исступленно кричат подсказанное, просимое: “Зарекаюсь!” Бьются и кричат с проклятиями кликуши, рвут рубахи… и исступленно впиваются в влекущие за собой глаза. Приходят невесты и вешают розовые ленты — залог счастья. Молодые бабы приносят первенцев, и на них радостно взирает “Неупиваемая”. Что к Ней влечет — не скажет никто: не нашли еще слова сказать внутреннее свое. Чую только, что радостное нисходит в душу».
В своей чудесной повести под тем же названием Шмелев передал одну из легенд об иконе «Неупиваемая Чаша», согласно которой написал сей образ некий крепостной мастер Илья. Доподлинная же история об этом умалчивает, хотя нынешней своей известностью чудотворная обязана всего более именно этой повести — а главное, своею несомненною благодатною силой исцелять от пьяного недуга.
В наши смутные времена, как и век с лишним тому назад, притекают в подмосковный город Серпухов сотни и тысячи чающих исцеления. Дороже самых драгоценных окладов те приношения избавленных от запойной одержимости христиан, чад их и домочадцев, которыми покрыто все подножие чудотворного образа. Не иссякает благодатная его сила, по всей России разносят ныне паломники целительное масло от лампад перед «Неупиваемой Чашей» и освященную на нарочитых молебнах воду.
Иноческие обители испокон веков были кладезем той таинственной и поистине священной тишины, коей извечно хотелось внимать и питаться всякой страждущей христианской душе. Таковой была и серпуховская Владычная Введенская обитель, основанная в 1360 году на тогдашней окраине Московского княжества, у слияния задумчивой Нары и светлой Оки, именовавшейся Поясом Богородицы, ибо отделяла и защищала сия река Святую Русь от дикой Степи, посреди «рощи сосновой и красного леса хоромного». С первых дней существования растекались отсюда незримые потоки благодати. Основанный как мужской при игуменстве преподобного Варлаама, бывшего келейника святителя Московского и чудотворца митрополита Алексия, монастырь сей был окормляем еще и преподобным Сергием Радонежским. Летописи повествуют, как приходил сюда великий Игумен земли Русской в начале зимы 1374 года вместе с учеником своим преподобным Афанасием и молился в белокаменном соборе Владычного монастыря. Сказание об основании обители сохранило для нас и память о чудесном явлении Пречистой преподобному Варлааму: «Видение показало строителю, что даже Ангелы будут помогать ему в трудах построения храма и хранить монастырь, что в этом храме Сама Владычица Небесная будет пребывать так же, как некогда пребывала в храме Иерусалимском».
И спустя несколько веков обетование сие сбылось во всей своей полноте.
К концу XVIII столетия мужская обитель Владычного монастыря клонилась к упадку и запустению. Богослужения почти совсем остановились, малочисленная братия разбрелась, храмы приходили в запустение. Однако митрополит Московский Платон (Левшин), чьим попечением начался духовный расцвет великой Оптины и многих иных обителей, не оставил своей заботой и Владычного монастыря, близ которого провел свое детство. Митрополит исхлопотал у императора Александра I дозволение возродить обитель сию уже как девичью, и в 1806 году здесь появились первые насельницы. Четверть века спустя другой архипастырь, святитель Московский Филарет, учредил во Владычной обители древние строгие правила пустынного общежития, тем самым восстановив здесь дух иноческого нестяжания и промыслительно подготовив монастырь сей для принятия столь благодатной святыни, как «Неупиваемая Чаша».
Старый солдат пополз к обители на четвереньках. В первую же ночь он почуял, что ноги вновь стали его слушаться
В первый год игуменства матушки Марии, а именно в 1878 году, крестьянину Тульской губернии, отставному солдату, имевшему неизбывную слабость к вину, было видение некоего старца, повелевшего идти в Серпухов, найти там икону «Неупиваемая Чаша» и отслужить перед нею молебен. У обезножившего от неумеренного пития, без гроша в кармане старого солдата не было сил добраться до обители. Тогда видение случилось еще дважды, и чаявший избавления от недуга старый солдат пополз к обители на четвереньках. В первую же ночь своего подвижнического пути он почуял вдруг, что ноги вновь стали слушаться его.
Добравшись до обители, он ввел в большое затруднение ее насельниц, не ведавших об иконе с таким именем. Тогда вспомнили вдруг о висевшем в одном из монастырских переходов образе, на коем Младенец Христос благословлял молящихся, словно бы исходя из причастной Чаши; позади же Него возвышала Свои Пречистые руки Матерь Божия, как пишут Ее на иконах «Знамения». И каково же было удивление всех, когда на обороте сей неведомой доселе иконы действительно усмотрели надписание «Неупиваемая Чаша»! Знаменательно и то, что подведенный к раке преподобного Варлаама путник тотчас узнал в нем того благолепного старца, который повелел идти к Владычице за исцелением от окаянного недуга. Весть о чудесном явлении быстро разнеслась по городам и весям, отовсюду стали приходить к дивному образу одержимые пьянственной страстью, припадали к «Неупиваемой Чаше» — и без труда бросали губительное вино, вносили тишину и покой в свои дома, и все это — молитвами Заступницы рода человеческого.
Сказание о сем чудотворном Ее образе поясняет, что Неупиваемая, или Неиспиваемая, Чаша есть, по слову акафиста, Чаша, черплющая радость, неистощимый источник утешения, исцеления, жизни и многообразных духовных благ, и дарований. И всяк узрит сокровенный духовный смысл в том, что икона «Неупиваемая Чаша» стала источником спасительных надежд и исцелений от злой страсти винопития: Матерь Божия молится за всех грешников, видит Она, Милосердная, и страдания предающихся пьянству, знает, сколь искренно многие из них жаждут избавиться от сего жестокого порока, но не находят в себе сил бороться. Вот Пречистая Своею святой иконой «Неупиваемая Чаша» и напоминает им, что есть Она неистощимый кладезь благодати и радости духовной, что изливает Она в измученные сердца из Своей неоскудевающей вовеки Чаши небесную усладу, испив коей, возненавидят они ту губительную влагу, какая прежде столь неодолимо влекла несчастных к себе.
Таковым страдальцам надлежит на всяком месте и во всякое время прибегать ко всемощному заступничеству Пречистой, положив за правило не менее трех раз в день прочитывать Ей ангельское приветствие: «Богородице Дево, радуйся». И сколь закоренелой ни была бы окаянная страсть винопития, не устоять ей против небесной помощи Матери Божией.
Чудотворная икона Божией Матери «Неупиваемая Чаша» Тропарь, глас 4
Днесь притецем, ве́рнии, к Боже́ственному и пречу́дному о́бразу Пресвяты́я Богома́тери, напоя́ющей ве́рных сердца́ небе́сною Неупива́емою Ча́шею Своего́ милосе́рдия и лю́дем ве́рным чудеса́ показу́ющей. Я́же мы ви́дяще и слы́шаще духо́вно пра́зднуем и те́пле вопие́м: Влады́чице преми́лостивая, исцели́ на́ша неду́ги и стра́сти моля́щи Сы́на Твоего́, Христа́ Бо́га на́шего, спасти́ ду́ши на́ша. Ами́нь.
Молитва
О Преми́лостивая Влады́чице! К Твоему́ заступле́нию ны́не прибега́ем, моле́ний на́ших не пре́зри, но ми́лостиво услы́ши нас: жен, дете́й, матере́й — и тя́жким неду́гом пиа́нства одержи́мых и того́ ра́ди от ма́тере своея́, Це́ркве Христо́вы, и спасе́ния отпа́дающих бра́тий и сесте́р и сро́дник на́ших исцели́.
О Ми́лостивая Ма́ти Бо́жия, косни́ся серде́ц их и ско́ро возста́ви от паде́ний грехо́вных, ко спаси́тельному возде́ржанию приведи́ их. Умоли́ Сы́на Своего́, Христа́ Бо́га на́шего, да прости́т нам согреше́ния на́ша и не отврати́т ми́лости Своея́ от люде́й Свои́х, но да укрепи́т на́с в трезве́нии и целому́дрии. Приими́
Пресвята́я Богоро́дице, моли́твы матере́й, о ча́дех свои́х сле́зы пролива́ющих, жен, о муже́х свои́х рыда́ющих, чад, си́рых и убо́гих, заблу́ждшими оста́вленных, и всех нас, к ико́ не Твое́й припа́дающих. И да прии́дет сей вопль наш, моли́твами Твои́ми, ко Престо́лу Всевы́шняго. Покры́й и соблюди́ нас от лука́ваго ловле́ния и всех ко́зней вра́жиих, в стра́шный же час исхо́да на́шего помози́ пройти́ непреткнове́нно возду́шныя мыта́рства, моли́твами Твои́ми изба́ви нас ве́чнаго осужде́ния, да покро́ет на́с ми́лость Бо́жия в несконча́емыя ве́ки веко́в. Ами́нь.
Акафист Пресвятой Богородице пред иконой «Неупиваемая Чаша»
Кондак 1
Избра́нное и ди́вное избавле́ние нам дарова́ся Твой о́браз честны́й, Влады́чице Богоро́дице, я́ко изба́вльшеся явле́нием его́ от неду́гов душе́вных и теле́сных и ско́рбных обстоя́ний, благода́рственная хвале́ния прино́сим Ти, Всеми́лостивая Засту́пнице. Ты же, Влады́чице, «Неупива́емою Ча́шею» на́ми имену́емая, приклони́ся благоутро́бно к на́шим воздыха́нием и во́плем серде́чным и избавле́ние пода́ждь стра́ждущим неду́гом пиа́нства, да с ве́рою воззове́м Ти:
Ра́дуйся, Влады́чице, Неупива́емая Ча́ше, духо́вную жа́жду на́шу утоля́ющая.
Икос 1
А́нгельстии чи́ни и пра́ведников со́нми непреста́нно сла́вят Тя, Цари́цу Богоро́дицу, Хода́таицу о многогре́шнем ро́де христиа́нстем, погря́зшем в беззако́ниих и пребыва́ющем во гресе́х, и́бо во утеше́ние и спасе́ние да́руеши ему́ ми́лость Свою́ чрез многоиме́нныя чудотво́рныя ико́ны Твоя́, и́хже, я́ко зве́зды небе́сныя, по всей земли́ на́шей зрим; к еди́ному же из сих о́бразов, «Неупива́емая Ча́ша» имену́емому, припа́дающе, из глубины́ се́рдца взыва́ем Ти:
Ра́дуйся, непристу́пнаго Божества́ селе́ние; ра́дуйся, непреста́нное люде́й удивле́ние.
Ра́дуйся, скорбьми́ грехи́ на́ша очища́ющая; ра́дуйся, печа́льми на́ша не́мощи врачу́ющая.
Ра́дуйся, ми́лость Свою́ чрез чудотво́рныя ико́ны Твоя́ нам свы́ше посыла́ющая; ра́дуйся, явле́нием их ско́рбная сердца́ на́ша возвеселя́ющая.
Ра́дуйся, пречу́дное всех с Бо́гом примире́ние; ра́дуйся, гее́нны ве́чныя избавле́ние.
Ра́дуйся, Влады́чице, Неупива́емая Ча́ше, духо́вную жа́жду на́шу утоля́ющая.
Кондак 2
Ви́дящи, Пресвята́я Влады́чице, ско́рби серде́чныя, му́ки душе́вныя, и́скреннее покая́ние люде́й, одержи́мых губи́тельным поро́ком пиа́нства, благоволи́ла еси́ яви́ти богоспаса́емому гра́ду Се́рпухову ми́лость Свою́ явле́нием пречу́днаго о́браза Своего́ «Неупива́емая Ча́ша», да вси к нему́ припа́дающии с ве́рою и сокруше́нным се́рдцем, получи́вше исцеле́ние от тя́жкаго неду́га своего́, из глубины́ души́ вопию́т Бо́гу: Аллилу́иа.
Икос 2
Разуме́в трикра́тное явле́ние преподо́бнаго Варлаа́ма и повеле́ние его́ в путь ше́ствовати в богоспаса́емый град Се́рпухов, челове́к не́кий, стра́стию пиа́нства одержи́мый, обре́те та́мо в монастыре́ ико́ну Твою́ святу́ю, «Неупива́емая Ча́ша» имену́емую. Мы же, ви́дяще таково́е о нас, гре́шных, попече́ние, с благогове́нием вопие́м Ти:
Ра́дуйся, чрез благочести́вых люде́й сла́ву чуде́с Твои́х гре́шным открыва́ющая; ра́дуйся, Путеводи́тельнице прозорли́вая, путь спасе́ния им показу́ющая.
Ра́дуйся, всеблага́я на́ша Наста́внице, любо́вию Твое́ю нас привлека́ющая; ра́дуйся, за вся благодея́ния Твоя́ благодаре́нию нас науча́ющая.
Ра́дуйся, скорбь на́шу в ра́дость претворя́ющая; ра́дуйся, несомне́нною наде́ждою нас увеселя́ющая.
Ра́дуйся, губи́тельныя стра́сти на́ша разруша́ющая; ра́дуйся, благи́м наме́рением спосо́бствующая.
Ра́дуйся, Влады́чице, Неупива́емая Ча́ше, духо́вную жа́жду на́шу утоля́ющая.
Кондак 3
Си́ла Вы́шняго и благода́ть Влады́чицы укрепля́ше не́коего челове́ка, стра́ждущаго неду́гом пиа́нства, егда́ он, но́зи разсла́бленеи иму́ще, и́де во град Се́рпухов, повеле́ние Богома́тере, чрез преподо́бнаго Варлаа́ма рече́нное, исполня́я. Прише́д же во град сей, обре́те ико́ну Пречи́стыя Богома́тере, а́бие исцеле́ от неду́га своего́ душе́внаго и теле́снаго и из глубины́ души́ благода́рственно воззва́ Бо́гу: Аллилу́иа.
Икос 3
Иму́ще исто́чник неоскудева́емый, неупива́емую ча́шу небе́сных дарова́ний, не то́кмо лю́дие гра́да Се́рпухова, но и вси правосла́внии христиа́ны ины́х градо́в и ве́сей, притека́ющии к Твоему́ пречу́дному о́бразу, «Неупива́емая Ча́ша» имену́емому, и пред сим получи́вше исцеле́ние, припа́дающе, благода́рными усты́ вопию́т Ти:
Ра́дуйся, купе́ле, в нейже вся ско́рби на́ша погружа́ются; ра́дуйся, ча́ше, е́юже ра́дость спасе́ния на́шего восприе́млем.
Ра́дуйся, на́ша не́мощи душе́вныя и теле́сныя врачу́ющая; ра́дуйся, стра́сти на́ша си́лою моли́тв Твои́х укроща́ющая.
Ра́дуйся, коему́ждо, во вся́кой потре́бе прося́щим, поле́зная да́рующая; ра́дуйся, бесчи́сленныя щедро́ты всем подаю́щая.
Ра́дуйся, ми́лости сокро́вище нам открыва́ющая; ра́дуйся, милосе́рдие к па́дшим явля́ющая.
Ра́дуйся, Влады́чице, Неупива́емая Ча́ше, духо́вную жа́жду на́шу утоля́ющая.
Кондак 4
Бу́рю внутрь иму́ще помышле́ний сумни́тельных, но с и́скренним покая́нием притека́юще к Твоему́ неизрече́нному милосе́рдию, одержи́мии пиа́нственною стра́стию получа́ют исцеле́ние и из глубины́ се́рдца вопию́т рожде́нному от Тебе́ Спаси́телю на́шему: Аллилу́иа.
Икос 4
Слы́ша Госпо́дь тя́жкия ско́рби, во́пли и плач жен, ста́риц, дете́й, сро́дницы ко́их обурева́еми суть пиа́нственною стра́стию, дарова́ им Твою́, Влады́чице, ико́ну, от нея́же вси притека́ющии обрета́ют утеше́ние и ра́дость духо́вную и вопию́т Ти со слеза́ми:
Ра́дуйся, А́гнице, ро́ждшая А́гнца, взе́млющаго грехи́ ми́ра; ра́дуйся, ча́ше, че́рплющая нам ра́дость от исто́чника безсме́ртия.
Ра́дуйся, ско́рбных матере́й утеше́ние; ра́дуйся, безнаде́жных Наде́ждо.
Ра́дуйся, притека́ющих к Тебе́ благода́тное охране́ние; ра́дуйся, скорбя́щих отра́до и увеселе́ние.
Ра́дуйся, волне́ние стра́сти пиа́нства утиша́ющая; ра́дуйся, руку́ по́мощи Твоея́ тре́бующим простира́ющая.
Ра́дуйся, Влады́чице, Неупива́емая Ча́ше, духо́вную жа́жду на́шу утоля́ющая.
Кондак 5
Я́ко боготе́чную звезду́, честну́ю ико́ну Твою́ показа́ла еси́ нам, Влады́чице ми́ра, ю́же зря́ще и с ве́рою серде́чною моля́щеся Тебе́, Богоро́дице, глаго́лем: исцели́ пиа́нством и ино́ю боле́знию душе́вною и теле́сною стра́ждущих, ве́рных же научи́ воспева́ти хвалу́ Бо́гу: Аллилу́иа.
Икос 5
Ви́дяще чудеса́ пресла́вная и зна́мения пречу́дная, быва́емая не то́кмо от ико́ны Твоея́, Богома́ти, во гра́де Се́рпухове явле́нныя, но и от по подо́бию сея́ ико́ны спи́санных изображе́ний, припа́дающе к ним, смире́нно вопие́м Ти:
Ра́дуйся, скоропредста́тельная Помо́щнице усе́рдно к Тебе́ притека́ющих; ра́дуйся, благосе́рдная Услы́шательнице моле́ний на́ших.
Ра́дуйся, град Се́рпухов благослове́нием Твои́м осени́вшая; ра́дуйся, в преде́лех Моско́вских сла́ву чуде́с Твои́х показа́вшая.
Ра́дуйся, всем тре́бующим сокро́вище исцеле́ний неоску́дное; ра́дуйся, в трезве́нии благоподвиза́ющихся всемо́щная Покрови́тельнице.
Ра́дуйся, веду́щим брань проти́ву ми́ра, пло́ти, диа́вола и пиа́нства до́брая Споспе́шнице; ра́дуйся, в ми́ре благоче́стно живу́щих усе́рдная Засту́пнице.
Ра́дуйся, Влады́чице, Неупива́емая Ча́ше, духо́вную жа́жду на́шу утоля́ющая.
Кондак 6
Пропове́дающе чудеса́ Твоя́, Богороди́тельнице, от ико́ны Твоея́ «Неупива́емая Ча́ша» имену́емыя, быва́емая, мо́лим Тя, Пречи́стая, со слеза́ми: изба́ви всех нас от ви́ннаго пристра́стия и от паде́ния грехо́внаго, научи́ нас воздержа́нию, подвиза́ющи воспева́ти Бо́гу: Аллилу́иа.
Икос 6
Возсия́ла еси́ в све́тлости Боже́ственныя сла́вы, Де́во Богоотрокови́це, на Младе́нца, Преве́чнаго Бо́га, Го́спода на́шего Иису́са Христа́, зря́щи. И́же в сосу́де, а́ки в неупива́емой ча́ше, предстои́т, я́коже Тя ви́дим изображе́нную на иконе Твое́й, «Неупива́емая Ча́ша» та́инственно пронарече́нней, от нея́же избавле́ние от пиа́нственныя стра́сти притека́ющим с ве́рою да́руеши, сего́ ра́ди со слеза́ми прино́сим Тебе́ гла́сы немо́лчныя си́це:
Ра́дуйся, я́ко о Тебе́ ра́дуется и торжеству́ет а́нгельский собо́р и челове́ческий род; ра́дуйся, я́ко Твоя́ сла́ва превосхо́дит похвалы́ земны́я и небе́сныя.
Ра́дуйся, та́инственным изображе́нием Сы́на в сосу́де Та́йну Боже́ственныя Евхари́стии нам открыва́ющая; ра́дуйся, рожде́ннаго Тобо́ю А́гнца, всегда́ ядо́маго и никогда́же иждива́емаго, нам ди́вно указу́ющая.
Ра́дуйся, ча́ше жи́зни и безсме́ртия, ко врата́м ве́чныя жи́зни нас приводя́щая; ра́дуйся, исто́чником нетле́ния и ра́дости жа́ждущия ду́ши напоя́ющая.
Ра́дуйся, несче́тною бла́гостию не оставля́ющая са́мых презре́нных и отве́рженных; ра́дуйся, от ро́ва поги́бели милосе́рдием Твои́м исхища́ющая безнаде́жных.
Ра́дуйся, Влады́чице, Неупива́емая Ча́ше, духо́вную жа́жду на́шу утоля́ющая.
Кондак 7
Хотя́ челове́к не́кий возблагодари́ти Тя, Влады́чице, за исцеле́ние от неду́га пиа́нства, украси́ Твою́ пречу́дную ико́ну, Богома́ти, во гра́де Се́рпухове пребыва́ющую, из глубины́ се́рдца воспева́я Бо́гу: Аллилу́иа.
Икос 7
Но́вое чу́до ви́дим, Влады́чице, от ико́ны Твоея́ святы́я: стра́ждущий бо неду́гом пиа́нства не́кий раб Бо́жий Стефа́н, прибега́я к Твоему́ Ма́тернему предста́тельству, от тя́жкаго неду́га своего́ изба́вися, и, благодаря́ще Тя, благоле́пными да́ры ико́ну Твою́ украси́, и припа́дающи к ней, со слеза́ми возопи́ Тебе́ та́ко:
Ра́дуйся, Живоно́сный Исто́чниче исцеле́ний; ра́дуйся, ча́ше небе́сная Боже́ственных дарова́ний.
Ра́дуйся, реко́ исцеле́ний приснотеку́щая; ра́дуйся, мо́ре, вся на́ша стра́сти потопля́ющее.
Ра́дуйся, под тя́жестию греха́ пиа́нства па́дающих Ма́тернима рука́ма Твои́ма возставля́ющая; ра́дуйся, благода́рственныя да́ры не отверга́ющая.
Ра́дуйся, сердца́ благочести́вых люде́й возвеселя́ющая; ра́дуйся, вся блага́я проше́ния на́ша исполня́ющая.
Ра́дуйся, Влады́чице, Неупива́емая Ча́ше, духо́вную жа́жду на́шу утоля́ющая.
Кондак 8
Стра́нно и сумни́тельно неве́рующим слы́шати, ка́ко ико́на Твоя́ свята́я «Неупива́емая Ча́ша» Боже́ственных исцеле́ний источа́ет чу́до. Мы же, ве́рующе сло́ву Твоему́, Влады́чице, рече́нному к первопи́санней Твое́й иконе: «Благода́ть Ро́ждшагося от Мене́ и Моя́ с се́ю ико́ною да бу́дет», — ве́руем, я́ко и сия́ ико́на Твоя́ благода́ть Твою́ источа́ет. Те́мже, благогове́йно поклоня́ющеся, лобыза́ем ю, вопию́ще Бо́гу: Аллилу́иа.
Икос 8
Все упова́ние лю́дие, стра́ждущии неду́гом пиа́нства, на Тя, Влады́чице, возлага́ют. Приклони́ся к не́мощем и страсте́м на́шим. Кто бо нас, гре́шных, изведе́т от ро́ва поги́бели и нищеты́ духо́вныя и теле́сныя, а́ще не Ты, Влады́чице! Сего́ ра́ди, прикло́нше коле́на пред Твои́м пречи́стым о́бразом, вопие́м Ти та́ко:
Ра́дуйся, моле́ния гре́шников не отверга́ющая; ра́дуйся, призыва́ющим Тя Свою́ небе́сную по́мощь ниспосыла́ющая.
Ра́дуйся, глубину́ милосе́рдия Твоего́ гре́шным показу́ющая; ра́дуйся, отча́янных и безнаде́жных ободря́ющая.
Ра́дуйся, одержи́мым стра́стию пиа́нства руку́ по́мощи простира́ющая; ра́дуйся, терпели́вых страда́льцев благода́тными да́ры утеша́ющая.
Ра́дуйся, неду́ги на́ша душе́вныя и теле́сныя врачу́ющая; ра́дуйся, су́етныя ра́дости ми́ра сего́ презира́ти нас науча́ющая.
Ра́дуйся, Влады́чице, Неупива́емая Ча́ше, духо́вную жа́жду на́шу утоля́ющая.
Кондак 9
Вся́кое естество́ а́нгельское удиви́ся де́лу Твоего́ милосе́рдия, Го́споди, я́ко дарова́л еси́ гре́шнему ро́ду челове́ческому твердую Засту́пницу и Помо́щницу, к на́шим не́мощем приклоня́ющуюся и от го́рькаго неду́га пиа́нства свобожда́ющую, ве́рныя же науча́ющую пе́ти Бо́гу: Аллилу́иа.
Икос 9
Вити́я челове́честии недоуме́ют восхвали́ти по достоя́нию сла́вное, Влады́чице, ико́ны Твоея́ явле́ние, ниже́ мы, гре́шнии, от скве́рных усте́н на́ших возмо́жем принести́ досто́йное похвале́ние Засту́пнице на́шей. Оба́че неисче́тная чудеса́, ико́ною Твое́ю явля́емая, ви́девше, душе́ю и се́рдцем ра́дующеся, Тебе́ глаго́лем:
Ра́дуйся, от свяще́ннаго ли́ка Твоего́ чудеса́ источа́ющая; ра́дуйся, от бед и скорбе́й ско́ро избавля́ющая.
Ра́дуйся, отверга́ющих Тя посрамля́ющая; ра́дуйся, от вся́каго зла прибега́ющих к Тебе́ сохраня́ющая.
Ра́дуйся, кро́тким сия́нием Твои́м мрак грехо́в и мглу страсте́й на́ших разгоня́ющая; ра́дуйся, ду́ши на́ша любо́вию к Тебе́ и Сы́ну Твоему́ исполня́ющая.
Ра́дуйся, на стезю́ покая́ния нас прему́дре наставля́ющая; ра́дуйся, до́браго отве́та пред Судие́ю Пра́ведным нам усе́рдная Хода́таице.
Ра́дуйся, Влады́чице, Неупива́емая Ча́ше, духо́вную жа́жду на́шу утоля́ющая.
Кондак 10
Спасти́ хотя́щи лю́ди мно́гия, стра́ждущия неду́гом пиа́нства, чу́дную ико́ну Твою́, Богома́ти, дарова́ла еси́, да вси одержи́ми се́ю стра́стию к чудотво́рному о́бразу Твоему́ притека́ют, и, получи́вше исцеле́ние, во умиле́нии взыва́ют Бо́гу: Аллилу́иа.
Икос 10
Стена́ еси́ и щит, Богома́ти, лю́дем, стра́ждущим неду́гом пиа́нства, и всем, усе́рдно к Тебе́ притека́ющим и ико́ну Твою́ святу́ю благогове́йно чту́щим, и́бо сию́ дарова́ нам благи́х пода́тель Госпо́дь в по́мощь и врачева́ние от губи́тельныя стра́сти, ея́ же ра́ди внуша́ет нам пе́ти Тебе́:
Ра́дуйся, отча́янных Наде́ждо и печа́лей на́ших утоле́ние; ра́дуйся, боле́зней душе́вных и теле́сных исцеле́ние.
Ра́дуйся, на́шу скве́рну чистото́ю Твое́ю очища́ющая; ра́дуйся, Свое́ю благода́тию на́ше недосто́инство просвеща́ющая.
Ра́дуйся, бре́ние на́ше тле́нное в нетле́ние облека́ющая; ра́дуйся, моле́ния на́ша Твои́м предста́тельством подкрепля́ющая.
Ра́дуйся, в неможе́нии на́шем нас утвержда́ющая; ра́дуйся, облега́ющий нас о́блак страсте́й ско́ро разгоня́ющая.
Ра́дуйся, Влады́чице, Неупива́емая Ча́ше, духо́вную жа́жду на́шу утоля́ющая.
Кондак 11
Пе́ние на́ше смире́нное, от полноты́ любви́ и усе́рдия Тебе́ приноси́мое, не пре́зри, Чи́стая, и не отврати́ от отча́явшихся и стра́ждущих неду́гом пиа́нства ли́ка Своего́, но помози́ им же и нам очи́ститися от вся́кия скве́рны грехо́вныя, да возмо́жем досто́йно и пра́ведно пе́ти Бо́гу: Аллилу́иа.
Икос 11
Светоприе́мную свещу́ зрим Тя, Пресвята́я Де́во, и́бо о́браз Твой святы́й луча́ми благода́ти Твоея́ мглу грехо́вную прогоня́ет и на све́тлую стезю́ доброде́телей наставля́ет с ве́рою зову́щих Ти такова́я:
Ра́дуйся, заступле́нием Твои́м от суеты́ ми́ра сего́ многомяте́жнаго нас избавля́ющая; ра́дуйся, прираже́ния страсте́й плотски́х отража́ти нам помога́ющая.
Ра́дуйся, мысль благу́ю в се́рдце на́ше полага́ющая; ра́дуйся, нечи́стую со́весть на́шу просвеща́ющая.
Ра́дуйся, от мучи́тельнаго неду́га пиа́нства стра́ждущих избавля́ющая; ра́дуйся, к и́скреннему покаянию и вразумле́нию призыва́ющая.
Ра́дуйся, ду́ши всех озло́бленных умягча́ющая; ра́дуйся, на по́мощь Тя призыва́ющих и и́мя Твое́ сла́вящих спаса́ющая.
Ра́дуйся, Влады́чице, Неупива́емая Ча́ше, духо́вную жа́жду на́шу утоля́ющая.
Кондак 12
Благода́ть Бо́жия, прису́щая иконе Твое́й, «Неупива́емая Ча́ша» именуемой, влече́т к ней, Влады́чице, всех скорбя́щих, обездо́ленных, вдов и ста́риц, наипа́че же всех стра́ждущих неду́гом пиа́нства и не тще́тни отхо́дят, Пречи́стая, от неупива́емыя ча́ши Твои́х Боже́ственных дарова́ний, но, неоску́дно получа́юще цельбы́ от чудотво́рнаго о́браза Твоего́, Всебла́гая, благода́рственно пою́т Бо́гу: Аллилу́иа.
Икос 12
Пою́ще Твоя́ чудеса́ и ве́лию ми́лость, лю́дем, одержи́мым стра́стию пиа́нства, явле́нныя, мо́лим Тя, Влады́чице, спаси́ и поми́луй, и наста́ви нас на стезю́ пра́ву, и не оста́ви нас, покро́ва Твоего́ и́щущих и зову́щих Ти:
Ра́дуйся, воздержа́нию от греха́ пиа́нства всех подвиза́ющая; ра́дуйся, от пристра́стия к вину́ росо́ю ми́лости Твоея́ свобожда́ющая.
Ра́дуйся, стра́ждущих от тя́жкаго греха́ пиа́нства при́сное врачева́ние; ра́дуйся, бе́дствующим в страсте́х ско́рая Помо́щнице.
Ра́дуйся, малоду́шных ди́вное ободре́ние; ра́дуйся, благоду́шных ве́лия ра́досте.
Ра́дуйся, го́рдых смиря́ющая; ра́дуйся, смире́нныя возвыша́ющая и всем спасе́ния жела́ющая.
Ра́дуйся, Влады́чице, Неупива́емая Ча́ше, духо́вную жа́жду на́шу утоля́ющая.
Кондак 13
О Преми́лостивая Ма́ти Сладча́йшаго Го́спода на́шего Иису́са Христа́! Ны́нешнее на́ше услы́ши моле́ние и изба́ви нас от всех неду́гов душе́вных и теле́сных, наипа́че же свободи́ стра́ждущих неду́гом пиа́нства рабо́в Твои́х (имена́ их), да не во зле поги́бнут, но да спасе́ннии Тобо́ю, при́сно вопию́т Бо́гу: Аллилу́иа.
Этот кондак читается трижды, зате́м 1-й икос «А́нгельстии чи́ни…» и 1-й кондак «Избра́нное и ди́вное избавле́ние…».
Моли́тва
О, Преми́лостивая Влады́чице! К Твоему́ заступлению ны́не прибега́ем, моле́ний на́ших не пре́зри, но ми́лостивно услы́ши нас, жен, дете́й и матере́й, и исцели́ тя́жким неду́гом пия́нства одержи́мых и того́ ра́ди от матери своея́, Це́ркве Христо́вы, и спасе́ния отпада́ющих бра́тий и сесте́р и сро́дник на́ших. О Ми́лостивая Ма́ти Бо́жия, косни́ся серде́ц их и ско́ро возста́ви от паде́ний грехо́вных, ко спаси́тельному воздержа́нию приведи́ их. Умоли́ Сы́на Своего́, Христа́ Бо́га на́шего, да прости́т нам согреше́ния на́ша и не отврати́т ми́лости Своея́ от люде́й Свои́х, но да укрепи́т нас в трезве́нии и целому́дрии. Приими́, Пресвята́я Богоро́дице, моли́твы матере́й, о ча́дех свои́х сле́зы пролива́ющих, жен, о муже́х свои́х рыда́ющих, чад, си́рых и убо́гих, заблу́дшими оста́вленных, и всех нас, к иконе Твое́й припа́дающих. И да прии́дет сей вопль наш, моли́твами Твои́ми, ко Престо́лу Всевы́шняго. Покры́й и соблюди́ нас от лука́ваго ловле́ния и всех ко́зней вра́жиих, в стра́шный же час исхо́да на́шего помози́ проити́ непреткнове́нно возду́шная мыта́рства моли́твами Твои́ми, изба́ви нас ве́чнаго осужде́ния, да покро́ет нас ми́лость Бо́жия в несконча́емыя ве́ки. Ами́нь.